NY DOKTORGRAD
Paleoklima og mennesket si utvikling i Sør-Afrika
 Foto: Privat |
“Micromammals, climate change and human behaviour in the Middle Stone Age, southern Cape, South Africa – Examining the possible links between palaeoenvironments and the cognitive evolution of Homo sapiens”.
Nel har i si doktorgradsavhandling rekonstruert naturmiljøet for 128-65 000 år sidan ved to kystnære lokalitetar, Blombos Cave og Klasies River, i Sør-Afrika. Leivningar av Homo sapiens og gjenstandar som vitnar om forståing og bruk av symbol indikerer at menneska som levde på det sørlege Kapp var moderne, både av utsjånad og i sinn. Det overordna målet med avhandlinga har vore å bidra med informasjon om kva rolle endringar i klima og naturmiljø kan ha spelt for det moderne mennesket si utvikling.
Grunnlaget for rekonstruksjonen av naturmiljøet er små fossile pattedyr som har vorte inkorporerte i dei arkeologiske sedimenta, og analysar av desse har gjeve informasjon om vegetasjon, temperatur og sesongbaserte variasjonar i nedbør. Det rekonstruerte nærmiljøet har fungert som kontekst til det arkeologiske materialet frå dei to lokalitetane og gjeve auka innsikt i korleis desse moderne menneska nytta omliggande ressursar og deira respons til endringar i klima og naturmiljø.
Personalia:
Turid Hillestad Nel (f. 03.09.1981) frå Borgund i Lærdal, tok mastergrad i arkeologi ved Universitetet i Bergen i 2006. Ho har sidan arbeidd ved African Heritage Research Institute i Cape Town, Sør-Afrika, hovudsakleg med analysar av fauna og osteologisk materiale og vore del av fleire prosjekt med fokus på utviklinga av det moderne mennesket i det sørlege Afrika. Ho var stipendiat ved Institutt for arkeologi, historie, kultur- og religionsvitskap, Universitetet i Bergen, frå 2008 til 2012. Rettleiar for avhandlinga har vore Christopher Stuart Henshilwood. Nel er no rådgjevar ved Høgskulen i Sogn og Fjordane.
Tid og stad for prøveforelesinga:
24.01.2013, kl. 16.30. Oppgitt emne: "Micromammals, environmental change and human behaviour in the Late Pleistocene, South Africa: How do these relate to each other?"
Sted: Auditorium B, Sydneshaugen skole, Sydnesplass 9.
Tid og stad for disputasen:
25.01.2013, kl. 09.30, Auditorium B, Sydneshaugen skole, Sydnesplass 9.
Kontaktpersonar:
Turid Hillestad Nel, tlf. 456 61763, e-post: Turid.Nel@ahkr.uib.no
Mediekontakt ved Kommunikasjonsavdelingen
E-post: mediekontakt[ætt]uib.no
Telefon: 55 58 89 00
Avhandlingen kan lånes på Bibliotek for samfunnsvitenskap og humaniora. For kjøp/bestilling av avhandlingen, kontakt kandidaten direkte.