NY DOKTORGRAD
Danning av djupvatn i Storfjorden på Svalbard
 |
"Dense water production processes in Storfjorden".
Temaet i avhandlinga er knytta til korleis det blir danna tungt, salt og kaldt djupvatn i Storfjorden på Svalbard. Danning av djupvatn er viktig for å oppretthalda den termohaline sirkulasjonen og for å tilføra oksygen til djupet i alle verdshava. Temperatur- og saltobservasjonar er brukt til å beskriva sesongmessige endringar av vatnmassar i Storfjorden. Ut frå mellom anna vind og lufttemperatur kan ein modellera veksten av havis kvar vinter. Deretter er modellert isproduksjon brukt til å estimera resulterande danning av kaldt, salt djupvatn i Storfjorden. Den etterfølgjande tunge botnstraumen mot sokkelkanten er observert og kartlagt med særleg vekt på transport- og blandingseigenskapar. Storfjorden sitt bidrag til produksjon av djupvatn i det Arktiske hav er diskutert og estimert til å vera opp mot 20%. År-til-årvariasjonar er knytta til svingningar i regionalt isdekke, istransport og saltinnhald i vatnsøyla. Dei er også kobla opp den atmosfæriske sirkulasjonen i Nordatlanteren.
Personalia:
Ragnheid Skogseth er født i 1973 og kjem frå Kysnesstrand (Jondal) i Hardanger. Ho tok cand.scient eksamen i fysisk oseanografi ved Universitetet i Bergen i 1999. Etter ein periode som konsulentvikar hos Norsk Hydro blei ho ansatt som NFR-stipendiat ved Geofysisk institutt i 2000. Eitt år seinare, så flytta ho prosjektet til Universitetssenteret på Svalbard AS (UNIS).
Tid og stad for disputasen:
25.09.2003, kl. 13:00, Møysalen, UNIS, Longyearbyen, Svalbard
Kontaktpersonar:
Ragnheid Skogseth, tlf. 79 02 33 29 (jobb),
79 02 57 44 (privat) og 41 30 53 18 (mobil)
, epost: ragnheid@unis.no
Formidlingsavdelinga v/ mediekontakt Monika Sandnesmo, tlf. 55 58 91 70 (a), e-post: monika.sandnesmo@form.uib.no
Avhandlinga kan lånast på Det matematisk-naturvitskaplege fakultetsbibliotek. For kjøp/bestilling: kontakt kandidaten direkte.