NY DOKTORGRAD
Laserlys og kvantemekaniske snurrebass-rørsler
 |
"Aspects of the theory of atoms and coherent matter and their interaction with electromagnetic fields"
Avhandlinga omhandlar numeriske studiar av fleire typar kvantefysikk som det for tida er stor internasjonal merksemd om. Det første området er studiar av responsen til enkeltatom på ufatteleg korte laserlysglimt. Når slike lysglimt er sterke nok vil dei ionisera atomet på ein særskild karakteristisk måte. I avhandlinga vert prosessen studert teoretisk.
I praksis kan slike laserar få stor innverknad på teknologi, til dømes i presise kamera. Avhandlinga omhandlar og lengre laserpulsar kor Rydbergatom med ein diameter opp mot bakterie storleik vert danna og kan bli manipulert på ein kontrollert måte.
Ein tredje del av arbeidet omfattar snurrebass- og virvel-rørsler i Bose-Einstein kondensat. Dette er ein samling atom som er kjølt ned til ein milliarddels grad over det absolutte nullpunkt. Ved slike temperaturar kan atom gå over i ein koherent tilstand, ein felles kvantetilstand kor identiteten til atoma vert viska ut. Avhandlinga viser korleis ein kan skapa særskilde rørsler i slike system, noko som gjev kunnskap som kan blir nyttig ved bruk av slike kvantesystem som til dømes i ein atomlaser.
Personalia:
Halvor Nilsen er fødd 17/5 i 1975. Han er cand.scient. i fysikk frå Universitet
i Bergen 1998 og starta doktorgradsarbeidet same stad i 1999. Avhandlinga
har vore eit samarbeidsprosjekt med deltakare frå universitetene i Bergen,
Århus og Belfast.
Tid og stad for disputasen:
23.08.2002, kl. 13.00, Auditorium 2, Realfagbygget, Allegt. 41
Kontaktpersonar:
Professor Jan P Hansen, tlf. 55 58 27 24, epost: janpetter.hansen@fi.uib.no
Informasjonsavdelinga v/ mediekontakt Morten Steffensen, tlf. 55 58 90 35 (a), e-post: morten.steffensen@info.uib.no
Avhandlinga kan lånast på Det matematisk-naturvitskaplege fakultetsbibliotek. For kjøp/bestilling: kontakt kandidaten direkte.