NY DOKTORGRAD
Gasskraftsaka
 |
”Når handling tar plass. Ein kulturstudie av Fellesaksjonen mot gasskraftverk.”
Tema for avhandlinga er den såkalla gasskraftsaka i Øygarden. I avhandlinga følgjer vi gasskraftsaka frå ho vart lansert våren 1997 til miljøvernarane året etter kunngjer dette som ei vunne sak. Avhandling sitt mål er å belyse dette tidsspennet som ein prosess for å diskutere sentrale spørsmåle problemstillingar innafor dagens humaniora – nemleg på kva måte mening blir danna.
I ei tid då mange trudde at den politiske interessa var forsvunne og den miljøpolitiske aksjonen hadde gått inn i historia – dukkar altså gasskraftsaka opp. Som ein ny miljøpolitisk aksjon maktar den å sette spørsmålet om klima og dei globale klimaendringane på dagsordnen. Dette samstundes som den massivt kom til å prege norsk offentlegheit på slutte av 1990-talet – mellom anna forårsakar den eit regjeringsskifte og regjeringa Bondevik må gå av. På bakgrunn av den betydninga som gasskraftsaka etterkvart fekk med ringverknadar inn i ei rekke verksemder og sektorar diskuterer avhandlinga om der finst andre føringar utover dei naturvitskaplege og politiske – slik som dei kulturelle – som var med på å gjere gasskraftsaka betydningsfull. For når gasskraftsaka vart lansert i 1997 av Fellesaksjonen – var dette med eit postulat om at gasskraftsaka ville bli eit nytt Alta.
I avhandlinga syner Reksten Kapstad på kva måte gasskraftsaka som ein ny kulturell storleik blir gitt liv ved at aksjonistane og andre aktørar låner bilete, myter og førestillingar frå tidlegare protestaksjonar. Men dette er referansar som skjeldan blir uttrykt i direkte språkleg forstand. Men som istaden refererer seg til utvalgte gjenstandar og objekt som t.d. ”kjetting” og ”lavvo”. Det vil m.a.o. seie til den materielle kulturen.
Avhandlinga viser korleis nyare teoretiske retningar innafor dagens kulturstudier – slik som dei språklege og kulturelle ”vendingane” – blir utilstrekkeleg som analyseverkty i møte med gasskraftsaka og konkret empiri. I avhandlinga blir sentrale teoretiske posisjoner innafor humaniora utfordra.
Personalia:
Connie Reksten Kapstad er født i 1968 og oppvaksen i Florø. Ho vart utdanna som cand. philol. med etnologi hovudfag frå UiB i 1996, og har vore tilsett som stipendiat same stad frå 1996 -1999 Frå 1999 har Reksten Kapstad hatt fleire stillingar ved UiB, i 1999 som universitetslektor ved Institutt for kulturstudier og kunsthistorie, seksjon for etnologi, medan ho i 2000 var tilsett for å koordinere disiplinane etnologi, folkloristikk og kultvern- og kulturformidling til kulturvitskap. I 2001 var Reksten Kapstad tilsett ved Det historisk-filosofiske fakultet som koordinator for studieløpet Kulturformidling. Doktorgraden er finansiert av NERP (Nordic Environmental Research Programme), Nordisk Ministerråd og Universitetet i Bergen.
Tid og stad for disputasen:
30.08.2002, kl. 10.15, Auditorium B, Sydneshaugen Skole, Sydnesplass 9.
Kontaktpersonar:
Connie Reksten Kapstad, tlf. Tlf: 555 82202
, epost: connie.kapstad@ikk.uib.no
Informasjonsavdelinga v/ mediekontakt Morten Steffensen, tlf. 55 58 90 35 (a), e-post: morten.steffensen@info.uib.no
Avhandlinga kan lånast på Det historisk-filosofiske fakultetsbibliotek. For kjøp/bestilling: kontakt kandidaten direkte.