NY DOKTORGRAD
Lys i havet
 |
”Light and life in polar and coastal waters”
Temaet i avhandlinga er knytt til dei optiske eigenskapane til atmosfæren og havet, og korleis lyset forplantar seg i dette kopla systemet. Forskingsarbeidet er fokusert både på norske fjordar og på det is- og snødekte polarhavet. Særleg er det lagt vekt på korleis mengda av planteplankton verkar inn på lysnivået i havet.
Forskingsresultata vil kunne nyttast både i samband med fjernmåling og overvaking av algeoppblomstringar langs norskekysten og til å auke kunnskapen om kva konsekvensar klimaforandringar har på det polare økosystemet. Den teoretiske modelleringa av lystransport er utført i samarbeid med Stevens Institute of Technology i New Jersey, mens den polare og biologiske forskinga er utført i samarbeid med Norsk Polarinstitutt i Tromsø og Mikrobiologisk institutt ved Universitetet i Bergen.
Personalia:
Børge Hamre er født på Nordfjordeid, og oppvaksen i Florø og på Bryggja. Han avslutta hovudfag i teoretisk atomfysikk ved Universitetet i Bergen i 1999, og blei deretter tilsett som NFR-stipendiat ved Fysisk institutt, UiB.
Tid og stad for disputasen:
29.08.2002, kl. 13.00, Auditorium 5, Realfagbygget, Allégaten 41
Kontaktpersonar:
Fysisk institutt, tlf. 55582806 (eksp.)
Informasjonsavdelinga v/ mediekontakt Morten Steffensen, tlf. 55 58 90 35 (a), e-post: morten.steffensen@info.uib.no
Avhandlinga kan lånast på Det matematisk-naturvitskaplege fakultetsbibliotek. For kjøp/bestilling: kontakt kandidaten direkte.