Universitetet i Bergen : Doktorgrader : 2001

NY DOKTORGRAD

Ein studie i romanane til Samuel Beckett

Cand.philol. Finn Tveito disputerer 12. januar 2001 for dr.art.-graden ved Universitetet i Bergen med avhandlinga:

"Rørsle og balanse. Ein studie i romantrilogien til Samuel Beckett"

I tillegg til nærlesingar av dei tre romanane Molloy, Malone meurt og L'Innommable inneheld avhandlinga ei gransking av prosarytmen til Beckett, og dessutan eit forsøk på å sirkla inn livsvisjonen hans, slik den kjem til syne i teksten. Forteljarane til Beckett har store vanskar med å ytra sikre utsegner om tilværet og omgivnadene dei har rundt seg. Denne avmakta kjem direkte til uttrykk i stilen, med mange korrigeringar og sjølvmotseiingar. Det arbeidet Beckett gjer med sjølve prosaen, framhevar dei vilkåra mennesket lever under som språkvesen: Det er ikkje berre orda sitt meiningsinnhald som er viktige for oss, men også det orda ber med seg av rytme og klang.

Personalia:
Finn Tveito er fødd i 1959 og er vaksen opp i Granvin i Hardanger. Han er utdanna lærar ved Lærarhøgskulen i Bergen i 1981. Ved Universitetet i Bergen tok han hovudfagseksamen i fransk i 1990. I 1996 fekk han universitetsstipend ved Seksjon for Allmenn Litteraturvitskap, Det historisk-filosofiske fakultet i Bergen.

Tid og stad for disputasen:
12.01.2001, kl. 10.15, Auditorium 4, Jus-bygget (Dragefjellet), Magnus Lagabøteplass 1.

Kontaktpersonar:
Finn Tveito, tlf. 55 58 23 96 (a), 55 94 69 64 (p),e-post: Finn.Tveito@lili.uib.no
Informasjonsavdelinga v/ mediekontakt Morten Steffensen, tlf. 55 58 90 35 (a), epost: morten.steffensen@info.uib.no

Avhandlinga kan lånast på Det historisk-filosofiske fakultetsbibliotek. For kjøp/bestilling: kontakt kandidaten direkte.