Universitetet i Bergen : Doktorgrader : 2000
NY DOKTORGRAD
Fargestoff i kreftbehandling
 |
«Synthesis and Characterisation of Novel Substituted Tetrabenzoporphyrins»
Tetrabensoporfyrin er kunstig framstilte fargestoff som strukturelt sett er nært beslekta med naturens eigne porfyrin, klorofyll og heme.
Kunstig framstilte porfyrin og ftalocyan, ei anna gruppe nært beslekta sambindingar, har vist seg å ha mange interessante eigenskapar og bruksområder. Ftalocyana har mellom anna blitt brukt i malings og trykkingsindustrien, og som flytande krystallar i såkalla LCD display (på til dømes klokker og stereoanlegg). Dei har òg vist potensiale som halvleiiarar, som katalysatorar i kjemiske reaksjonar og som gass-sensorar. Innan medisin vert denne typen sambindingar nytta i ei relativt ny type kreftbehandling kalla fotodynamisk terapi. På tross av den strukturelle likskapen mellom porfyrin, ftalocyan og tetrabensoporfyrin, er det hittil blitt gjort relativt lite arbeid på tetrabensoporfyrina.
Dette forskningsarbeidet tek føre seg synteser av tre seriar nye tetrabensoporpyrin og karakteriseringa av desse. Arbeidet har vore eit samarbeid med ei forskningsgruppe ved University of East Anglia, i Norwich, England.
Personalia:
Anne Mette Nygård er frå Bremanger i Sogn og Fjordane. Ho tok cand.scient. graden i kjemi ved Universitetet i Bergen i 1995 og arbeider for tida som forskar ved University of East Anglia, i Norwich, England.
Tidspunkt og sted for disputasen:
10.11.2000, kl. 10.30, Auditorium, Realfagbygget, Allègt. 41.
Kontaktpersoner:
Informasjonskonsulent Rønnaug Tveit, tlf. 55 58 90 43 (a), tlf. 55 12 56 91 (p), epost: ronnaug.tveit@info.uib.no