NY DOKTORGRAD

Kjønnskilnader i matematikkprestasjonar

Cand.polit. Terje Manger disputerer 13. september 1997 for dr.philos.-graden ved Universitetet i Bergen med avhandlinga:

Gender differences in mathematical achievement among Norwegian elementary school students

Avhandlinga viser at gutar i barneskulen har betre gjennomsnittlege testprestasjonar i matematikk enn jenter. Dei er betre enn jenter i oppgåver som omhandlar talforståing, måling, brøk, geometri og i leserekning. Det er omlag dobbelt så mange gutar som jenter blant dei ti prosent beste elevane. Kjønnskilnaden i gjennomsnittlege prestasjonar forsvinn når ein kontrollerer for sjølvoppfatning i matematikk. Jenter sin sjølvoppfatning er i større grad enn gutar sin påverka av tidlegare prestasjonar i faget. Både jenter og gutar sin sjølvoppfatning vert langt meir påverka av deira faglege posisjon i forhold til medelevar i klassen enn av deira objektive prestasjonar. Det er klar samanheng mellom matematikkprestasjonar og evne til romleg visualisering, men ingen kjønnskilnader i romleg visualisering.

Personalia
Terje Manger er født i 1950, og er oppvaksen og busett på Radøy. Han tok cand.polit.-eksamen ved Universitetet i Oslo i 1977, og er no førsteamanuensis ved Institutt for samfunnspsykologi ved Universitetet i Bergen.

Tidspunkt og stad for disputas
Laurdag 13. september kl. 10.15, Stort Auditorium, Christiesgate 12.

Kontaktpersoner
Cand.polit. Terje Manger, tlf. 55 58 24 99 (arb.) / 56 37 40 24 (priv.)
Informasjonskonsulent Rønnaug Tveit, tlf: 55 58 90 43 (a) / 55 12 56 91 (p)