Biomarkerprotein expression in fish; a study of cellular responses to environmental pollutants.
Grøsvik har studert korleis proteinsyntesen i cellekulturar
frå fisk blir påverka av ulike miljøgifter. Endringar
i proteinsyntesen kan brukast som biomarkørar i
miljøovervaking for å varsla om effektar av forureining.
Nokre biomarkørar er generelle indikatorar for eksponering eller
effekt, medan andre er meir spesifikke responsar på
enkeltkjemikaliar eller klassar av framandstoff.
For å studera molekylære responsar på forureining er
primærcellekulturar frå ulike fiskevev isolert, og eksponerte
for ulike miljøgifter som PAH, PCB og tungmetall. Ei
målsetjing for dette arbeidet har vore å studera om endringar
i proteinmønsteret skuldast induksjon av kjente
biomarkørprotein eller om endringane skuldast protein som hittil
ikkje er brukte i denne samanhengen, men som kan visa seg nyttige i
framtidige miljøovervakingsstudiar. Arbeidet har påvist eit
par moglege kandidatar for slike protein. I studiar med laksehepatocyttar
vart det funne eit protein som vart indusert av alle dei organiske
sambindingane. I tillegg vart fleire protein induserte etter
metalleksponering i hepatocyttar og kvite blodceller.
Personalia:
Bjørn Einar Grøsvik kjem frå Stord. Han tok cand.
scient. graden ved
Biokjemisk institutt, Universitetet i Bergen i 1991 og vart i 1992
teken
opp som dr. scient student ved Felleslaboratorium for bioteknologi
med
tilknytning til Laboratorium for marin molekylærbiologi. Han er
idag
tilsett som postdoc ved Lab. for marin molekylærbiologi. Prosjektet
har vore støtta av VISTA.
Disputas - tidspunkt:
Bjørn Einar Grøsvik forsvarar avhandlinga si 26. september
kl 1015 i
Auditorium 5, Realfagbygget.
Kontaktpersonar:
Førsteaman. Anders Goksøyr, Lab. for marin
molekylærbiologi, Tlf 55 58 43 74.
Informasjonskonsulent: Rønnaug Tveit, 55 58 90 35