Universitetet i Bergen

Vekst og reproduksjon hos tare

Adaptive aspects of growth and reproduction in two North Atlantic Laminaria species

Avhandlinga er ein diskusjon av vekst- og reproduksjonstrategiar hos to tare-artar; sukkertare og stortare. Det blir vist at begge tareartane nyttar "opplagsnæring" - karbohydrat som er blitt lagra i plantene sommaren før - unde r oppstartinga av den nye årsveksten om vinteren. Ho har også undersøkt reproduksjonen hos stortare. Tare reproduserer seg ved å danna store mengder med sporer om vinteren, men i avhandlinga blir det vist at denne sporeproduksjone n ikkje går på kostnad av mengda med lagra karbohydrat tilgjengeleg for vegetativ vekst i plantene. Ho har vidare undersøkt fordelinga av årsveksten til stilk og blad i stortare. Resultata viser at i små planter i ein tett t areskog blir ein større del av årsveksten fordelt til stilken enn i planter av tilsvarande alder og storleik i ein meir open tareskog. Dette kan tolkast som ein overlevings-strategi. I ein tett tareskog er veksten av småplantene lysbeg rensa, og fordeling av veksten til stilken aukar truleg sjansane for at små planter skal kunna nå opp til bladdekket tareskogen, der lystilgangen er betre.

Personalia
Kjersti Sjøtun er født i Kvam. Ho avla i 1985 cand. real. eksamen ved Institutt for marinbiologi ved Universitetet i Bergen. I 1991 vart ho oppteken som dr. scient.-student ved Universitetet i Bergen, i tilknytning til Institutt for fiskeri- og marinbiologi.

Tid og stad for disputasen: 30. juni kl. 10.15, Høyteknologisenteret, Store auditorium

Kontaktpersoner:
Cand.real. Kjersti Sjøtun, tlf. 55 58 44 86 (a)
Informasjonskonsulent Morten Steffensen, tlf. 55 58 90 35 (a)/ 55 20 02 91 (p)