Cand. scient. Kristin Guldbrandsen Frøysa disputerer fredag 18. august 1995 for dr. scient graden ved Universitetet i Bergen med avhandlinga
Modelling and simulation of 3D flow with gravity forces in porous media
Arbeidet er ei utviding og påbygging av arbeid utført tidlegare i reservoarmekanikkgruppa ved Matematisk institutt, Universitetet i Bergen. Gruppa har i lang tid studert straum av olje og vatn (tofase-straum) i eit reservoar gjennom simulering. Vatn vert injisert gjennom ein eller fleire brønnar ned i eit oljefylt reservoar, medan olje vert produsert i ein eller fleire produsent-brønnar. Målet er å simulera den straumen som oppstår i reservoaret så nøyaktig som mogleg, m.a. for å kunna seia når det injiserte vatnet vil nå produsentbrønnane. Tidlegare har ein studert tofase-straum i 1 og 2 romlege dimensjonar. Guldbrandsen Frøysa har utvida dette til å studera tofase-straum i 3 romlege dimensjonar. Dessutan er tyngedeffektar inkluderte i arbeidet hennar.
For å studera tofase-straumen i 3 romlege dimensjonar har Guldbrandsen Frøysa skrive ein simulator i programmeringsspråket C++. Simulatoren er skriven i objektorientert stil for å få ein fleksibel, robust og oversiktleg kode. Simulatoren kan brukast som eit numerisk laboratorium og kan brukast for eit stort parameterområde. Guldbransen Frøysa har undersøkt to ulike måtar å behandla metningslikninga med tyngde. Ho viser at den eine metoden er klart betre enn den andre gjennom ulike numeriske eksperiment. Avhandlinga inneheld også framlegg til forbetringar av noverande simulator.
Personalia
Kristin Guldbrandsen Frøysa(30) er fødd i Bergen, men vaks opp i Øystese. Ho vart cand. scient i 1990 med anvend matematikk hovudfag. Etter hovudfaget arbeidde ho eit år ved Norsk Hydro Forskningssenter i Bergen. 1/1 92 begynte ho som stipendiat ved Matematisk institutt, UiB med stipend frå Norges Forskningsråd. Arbeidet er utført med professor Magne S. Espedal som rettleiar. Ho arbeider no som forskar ved Institutt for Informatikk, UiB.
Tidspunkt og sted for disputasen: 18. august kl. 10.30, Auditoriet, Carl Godskes hus
Kontaktpersoner:
Cand.scient: Kristin Gulbrandsen Frøysa; tlf. 55 58 48 65 (a)
Informasjonskonsulent Morten Steffensen, tlf. 55 58 90 35 (a)/ 55 20 02 91 (p)